Բեյրութի հարավային արվարձանի վրա իսրայելյան հարվածի զոհ է դարձել երկու մարդ, 76-ը վիրավորվել են՝ ըստ նախնական տվյալների, հաղորդվում է Լիբանանի առողջապահության նախարարության արտակարգ իրավիճակների կենտրոնի հայտարարության մեջ։

Ուրբաթ երեկոյան Բեյրութում լսվել է հզոր պայթյունների շարք։ Իսրայելյան ավիացիան մոտ տասը հարված է հասցրել լիբանանյան մայրաքաղաքի հարավային արվարձանի թաղամասերից մեկին։

«Բեյրութի հարավային արվարձանի Հարեթ Խրեյք թաղամասի վրա իսրայելյան հարվածի հետևանքով, ըստ նախնական տվյալների, զոհվել է երկու մարդ, 76-ը վիրավորվել են», - գրված է զեկույցում։

Համաձայն հայտարարության, որոնողափրկարարական աշխատանքները շարունակվում են, փլատակների տակ դեռ մարդիկ կան։