Նուբար Աֆեյանը Բաքվին կոչ է անում ազատ արձակել Ռուբեն Վարդանյանին և մյուս հայ գերիներին

22:48, 27 սեպտեմբեր 2024

Գործարար և բարերար, «Ավրորա» մարդասիրական կազմակերպության համահիմնադիր Նուբար Աֆեյանն Ադրբեջանի ղեկավարությանը կոչ է անում Բաքվի բանտից ազատ արձակել բարերար, Արցախի նախկին պետնախարար Ռուբեն Վարդանյանին և բոլոր հայ գերիներին։ Այս մասին Աֆեյանը գրել է X–ի իր միկրոբլոգում։

Գործարարը շեշտել է, որ պետք է գործել մասնավորապես այն ժամանակ, երբ Ադրբեջանը պատրաստվում է ընդունել COP29–ը, որտեղ մարդու իրավունքներն առանցքային տեղ են զբաղեցնում։

Նա հիշեցրել է, որ այսօր լրանում է մի տարին, ինչ իր ընկեր, գործընկեր Ռուբեն Վարդանյանը բռնի և անօրինական կալանավորվել է Ադրբեջանի կողմից։