Ադրբեջանի արտաքին գործերի նախարար Ջեյհուն Բայրամովը ՄԱԿ-ի Գլխավոր ասամբլեայի 79-րդ նստաշրջանի շրջանակներում հանդիպել է Գերմանիայի Դաշնային Հանրապետության արտաքին գործերի նախարար Աննալենա Բերբոկին։

Այս մասին տեղեկություն է տարածել Ադրբեջանի արտաքին գործերի նախարարությունը։

Հանդիպմանը քննարկվել են Ադրբեջանի և Գերմանիայի միջև առկա երկկողմ հարաբերությունները, ինչպես նաև  տարածաշրջանում առկա իրավիճակը։

Բայրամովը խոսել է Ադրբեջան-Հայաստան հարաբերությունների կարգավորման գործընթացի մասոն։ Նա նշել է, թե «Հայաստանի Սահմանադրության և օրենսդրական փաստաթղթերում կան տարածքային պահանջներ Ադրբեջանի նկատմամբ, ինչպես նաև ասել, թե Հայաստանի արագ սպառազինումը խաղաղության օրակարգին սպառնացող վտանգ է»։