NBC News հեռուստաալիքը, հղում անելով իսրայելցի պաշտոնյային, հաղորդում է, որ Իսրայելը որոշել է սպանել լիբանանյան «Հեզբոլլահ» շարժման գլխավոր քարտուղար Հասան Նասրալլային այն պատճառով, որ վերջինս չէր համաձայնում դադարեցնել բախումները Իսրայելի և Լիբանանի սահմանին, քանի դեռ Իսրայելը չէր դադարեցրել պատերազմը Գազայի հատվածում:

Հեռուստաալիքը նշում է. «Իսրայելը որոշում կայացրեց ոչնչացնել Նասրալլային, երբ եկավ այն եզրակացության, որ նա չի ընդունի իսրայելա-լիբանանյան սահմանին մարտերը դադարեցնելու դիվանագիտական լուծումը, որը կապված չէր լինի Գազայի հատվածում պատերազմի դադարեցման հետ»: