Գագիկ Ծառուկյանը սամբոյի զարգացմանը նպաստում է ոչ միայն Հայաստանում, այլև աշխարհում, «Գ․Ծառուկյանի գավաթ» միջազգային մրցաշարին կտրվի «աշխարհի գավաթ» կարգավիճակ․ Վասիլի Շեստակով (տեսանյութ)

13:51, 29 սեպտեմբեր 2024

Սեպտեմբերի 28-ին Երևանում տեղի է ունեցել Սամբոյի միջազգային մրցաշար, որին ներկա էին Սամբոյի միջազգային ֆեդերացիայի նախագահ Վասիլի Շեստակովը, երկու տասնյակից ավելի երկրների պատվիրակություններ, մարզասերներ ամբողջ աշխարհից: Այս մասին հայտնում է ՀԱՕԿ նախագահ Գագիկ Ծառուկյանի ֆեյսբուքյան էջում։

«Այսօր հիանալի մարզական տոն է, երկրորդ անգամ է կայանում այս խոշոր իրադարձությունը, որն ունի աննախադեպ մրցանակային ֆոնդ։ ՀՀ-ում սամբոն ՀԱՕԿ ուշադրության կենտորում է, և պետք է փաստենք, որ Գագիկ Ծառուկյանը մարզաձևի զարգացմանը նպաստում է ոչ միայն Հայաստանում, այլև ամբողջ աշխարհում»,-իր խոսքում ասել է Վասիլի Շեստակովը։

Նրա կարգադրությամբ՝ հաջորդ տարվանից «Գագիկ Ծառուկյանի գավաթ» միջազգային մրցաշարին կտրվի ավելի բարձր՝ «աշխարհի գավաթ» կարգավիճակ և այդ կապակցությամբ հասցեատիրոջն է փոխանցվել աշխարհի գավաթը։

Մանրամասները տեսանյութում․