Ադրբեջանում Ռուսաստանի նոր օտարերկրյա ներկայացուցչություններ բացելու հարցի շուրջ աշխատանք է տարվում քաղաքական մակարդակով։

Այս մասին ՏԱՍՍ-ին տված հարցազրույցում ասել է ՌԴ ԱԳՆ հյուպատոսական բաժնի ղեկավար Ալեքսեյ Կլիմովը։

Պատասխանելով Ղարաբաղում հյուպատոսություն բացելու վերաբերյալ հարցին՝ Կլիմովը նշել է, որ այս հարցի շուրջ ներկայումս աշխատանք է տարվում քաղաքական մակարդակով։

«Քանի որ ադրբեջանական կողմի հետ համապատասխան պայմանագրերը կնքված են, ԱԳՆ հյուպատոսական վարչությունը կմիանա դրանց հետ կապված գործնական քայլերի իրականացմանը»,- ընդգծել է ռուս դիվանագետը։