Խաղաղության պայմանագրի համաձայնեցված 13 կետերի հրապարակման հետ կապված դիվանագիտական կոռեկտության խնդիր կա։ Այս մասին ԱԺ-Կառավարություն հարցուպատասխանի ժամանակ, ի պատասխան ընդդիմադիր պատգամավոր Արթուր Խաչատրյանի հարցին, թե ինչու չի հրապարակում խաղաղության պայմանագրի համաձայնեցված կետերը, ասաց Նիկոլ Փաշինյանը։

«Այդ կետերին տարբեր առիթներով անդրադարձել եմ, գաղտնիքի խնդիր չկա, դիվանագիտության կոռեկտության խնդիր կա»,-ասաց Փաշինյանը՝ նշելով, որ փաստաթուղթը երկու շահառու կողմ ունի։

Փաշինյանը նշեց, որ հայեցակարգային առումով ժողովրդին պայմանագրի բովանդակությունը բացահայտված է։