Ռուսաստանն անհանգստացած է ազդակներով առ այն, որ Իսրայելը հարվածելու է Իրանին։

Այս մասին ասել է ՌԴ փոխարտգործնախարար Սերգեյ Ռյաբկովը։

Նրա խոսքով՝ անընդունելի է, որ Իսրայելը դիտարկում է Իրանի միջուկային օբյեկտների վրա հարձակվելու հնարավորությունը։ Ռյաբկովը նշել է, որ Իրանի կարգավիճակը Միջուկային զենքի չտարածման պայմանագրի համատեքստում ոչ ոք չպետք է կասկածի տակ դնի։ Ռուսաստանը ընդունում է այն դիրքորոշումը, որ Իրանի կենտրոնացումը խաղաղ միջուկային զարգացման վրա չի փոխվել:

«Ես շարունակում եմ ուշադրություն դարձնել այն դիրքորոշմանը, որի վրա իրանական կողմը երկար ժամանակ աշխատել է, և ինչպես հասկանում եմ, այն մնում է նույնը՝ զուտ խաղաղ նպատակներով միջուկային ծրագրի մշակումը։ Այս թեմայով կան համապատասխան փաստաթղթեր, այդ թվում՝ այն ժամանակ Գերագույն հոգեւոր առաջնորդի կողմից տրված խոսքը։ Մենք դա նշեցինք նաև որպես ատոմային էներգիայի խաղաղ զարգացմանն ուղղված ամուր քաղաքականության նշան։ Աշխարհում իրավիճակը փոխվում է, Իրանի դեմ սպառնալիքներն ավելանում են։ Բազմաթիվ նշաններ կան, որ շատերը հավանություն չեն տալիս միջազգային հարցերում երկրի անկախ կուրսին: Սակայն միջուկային զենքի չտարածման մասին պայմանագրի շրջանակներում այս պետության միջուկային ազատ կարգավիճակը ոչ մեկի կողմից չպետք է կասկածի տակ դրվի»,- ասել է ՌԴ փոխնախարարը։