Հայաստանի բռնցքամարտի երիտասարդական հավաքականը Եվրոպայի առաջնության կիսաեզրափակիչ է մտնում պատմական արդյունքով։ Այս մասին հայտնում է Հայաստանի բռնցքամարտի ֆեդերացիան:
«Մեր 13 մարզիկներից 12-ը կիսաեզրափակիչում են և ապահովել են նույքան մեդալ։ Այսպիսի արդյունք հայկական բռնցքամարտի պատմության մեջ չէր եղել։
Մրցումային 6-րդ օրը մենք ևս 3 հաղթանակ ունեցանք։
Նախ 51 կգ քաշային Դավիթ Սաֆարյանը համառ պայքարում պարտության մատնեց իսրայելցի Լուրի Լապչեվսկիուն։ Այնուհետև մհաջողությունը զարգացրեց արցախցի Էրիկ Առստամյանը։ Մեր մարզիկը շատ գրագետ մարտավարությամբ պարտության մատնեց Սլովակիայի ներկայացուցիչ Լուկաս Վիմիցլիսկուն։ Բոլոր ռաունդների ընթացքում մեր բռնցքամարտիկը ուներ հսկայական առավելություն և մրցավարները 5։0 հաշվով հաղթանակը տվեցին մեզ։
Տղաների հավաքականի 12-րդ մեդալն ապահովեց 57 կգ քաշային Գոռ Ազիզյանը, ով հաղթեց իսրայելցի Ալի Շահավային։ Առաջին ռաունդի մեկնարկում մեր մարզիկը շատ արագ հասկացավ մրցակցի թույլ կողմերը ու մենամարտի թելը վերցրեց իր ձեռքը։ Արդյունքում շատ վստահ հաղթանակ` 5։0։ Մայիսի 1-ին կկայանան կիսաեզրափակիչներ»,- ասված է Ֆեդերացիայի հայտարարության մեջ։
-thumbnail.jpg)
-thumbnail.jpg)
-thumbnail.jpg)
