«Հայաստանը պետք է ընդունի պետական ​​պատասխանատվությունը բոլոր հանցագործությունների համար և համապատասխանաբար հետաքննի և պատժի բոլոր պատերազմական հանցագործներին»։ X սոցցանցի իր էջում այս մասին գրել է Ադրբեջանի նախագահի օգնական Հիքմեթ Հաջիևը։

«Ավելի քան 4000 ադրբեջանցիներ Հայաստանի կողմից խոշտանգվել և սպանվել են և թաղվել զանգվածային գերեզմաններում։ Մինչ օրս Հայաստանը չի պատժել այս հանցագործությունների համար ոչ մի պատասխանատուի։ Ընդհակառակը, նրանք արժանացել են գովասանքի ու պարգևատրման։ Հայաստանը պետք է ընդունի պետական ​​պատասխանատվությունը այս բոլոր հանցագործությունների համար, ցույց տա հաշտեցմանը իր իսկական հավատարմությունը և հետաքննի և պատժի բոլոր պատերազմական հանցագործներին»,- գրել է Հիքմեթ Հաջիևը։

Հիշեցնենք, որ օրեր առաջ այս նույն թեմայի մասին խոսել է Ադրբեջանի նախագահ Իլհամ Ալիևը։