Քննչական կոմիտեի նախագահի նախկին տեղակալ Վիգեն Մեսրոպյանը նոր պաշտոն ունի

ՀՀ քննչական կոմիտեի նախագահի նախկին տեղակալ Վիգեն Մեսրոպյանը ստանձնել է «ՀՀ քննչական կոմիտեի փորձաքրեագիտական կենտրոն» ՊՈԱԿ-ի տնօրենի պաշտոնակատարի պաշտոնը։

Հոկտեմբերի 4-ին Արգիշտի Քյարամյանը հանդիպել է «ՀՀ քննչական կոմիտեի փորձաքրեագիտական կենտրոն» ՊՈԱԿ-ի տնօրենի պաշտոնակատար Վիգեն Մեսրոպյանին և ՊՈԱԿ-ի ղեկավար անձնակազմի հետ։

Նշանակման կապակցությամբ շնորհավորելով Վիգեն Մեսրոպյանին՝ ՀՀ քննչական կոմիտեի նախագահը նախ շնորհակալություն է հայտնել նրան ՀՀ քննչական կոմիտեի նախագահի տեղակալի պաշտոնում պետությանը մատուցած ծառայության, պրոֆեսիոնալությամբ և տասնամյակների փորձառությամբ քննչական համակարգի հարաճուն կենսագործունեությանը նպաստելու համար։

Կոմիտեի ղեկավարը վստահություն է հայտնել, որ նոր պաշտոնն ստանձնելով ևս պարոն Մեսրոպյանը նույնպիսի նախանձախնդրությամբ ձեռնամուխ կլինի ընդամենը ամիսներ առաջ ՀՀ ՔԿ-ում ստեղծված փորձաքրեագիտական կենտրոնի հզորացմանն ուղղված նախաձեռնություններին։

Կոմիտեի նախագահը նաև շնորհակալություն է հայտնել հանդիպմանը ներկա Լորիկ Սաֆարյանին՝ հատկապես ՀՀ ՆԳՆ ոստիկանության փորձաքրեագիտական վարչության պետի պաշտոնում մեկ տասնամյակից ավելի նվիրված աշխատանքի համար և ուրախությամբ ընդգծել այդ վարչության հենքի վրա ստեղծված ՊՈԱԿ-ում գործունեությունը շարունակելու և նոր տնօրենին անհրաժեշտ աջակցությունը ցուցաբերելու նրա պատրաստակամության համար։

ՊՈԱԿ-ի տնօրենի պաշտոնակատար Վիգեն Մեսրոպյանն իր հերթին շնորհակալություն է հայտնել վստահության համար և նշել, որ փորձաքննությունների որակով և ժամանակին իրականացումը անկյունաքարային նշանակություն ունի հանցագործությունների բացահայտման, քրեական վարույթների ելքի համար և համընդհանուր ջանքերն ուղղվելու են դրա համար ՊՈԱԿ-ում անհրաժեշտ պայմանների բարելավմանը։

Հանդիպման ընթացքում քննարկվել են «ՀՀ քննչական կոմիտեի փորձաքրեագիտական կենտրոն» ՊՈԱԿ-ի տեխնոլոգիական հագեցվածության մակարդակի բարձրացման, մասնագիտական ռեսուրսների զարգացման խնդիրները, հնարավորություններն ու հեռանկարները։

Երկարամյա արդյունավետ պաշտոնավարման, ինչպես նաև պարտականությունները և առաջադրանքները պատշաճ կատարելու համար ՀՀ քննչական կոմիտեի նախագահի տեղակալ Վիգեն Մեսրոպյանն Արգիշտի Քյարամյանի կողմից պարգևատրվել է «Անձնվիրություն և անվեհերություն» մեդալով:

Քննչական կոմիտեի նախագահի նախկին տեղակալ Վիգեն Մեսրոպյանը նոր պաշտոն ունի

Վերլուծական

Իր գրպանից 150 000 դրամը տալուց նեղվող Ավինյանը Երևանի բյուջեից 4 անիմաստ միջոցառման համար 1 մլրդ 865 հզր դրամ ծախսելիս բացարձակ չնեղվեց

Տեսնես՝ «Գազպրոմը» Ռուսաստանում նո՞ւյնն է անում

Վերջին «վարիանտ»՝ դատավոր կամ որտեղ հաց, այնտեղ կաց

Նամակ Նիկոլ Փաշինյանին 2

Նամակ Նիկոլ Փաշինյանին

Ի՞նչ ազդակ ունի Գագիկ Ծառուկյան-Արամ Ա հեռախոսազրույցը

Որտե՞ղ են Շուշիի, Սղնախի, Հադրութի հայկական գերեզմանատները․ Ազիզ Ալաքբերլիի հիշողության թարմացման համար

«Իյա, Անդրանի՞կ, դու՞ էլ ես հարց տալիս». Անդրանիկ Քոչարյանի պառլամենտարիզմն ու բոնապարտիզմը

Մնացեք ակտիվ