Հայաստանը մինչև COP29-ը ակնկալում է Ադրբեջանի հետ ստորագրել խաղաղության համաձայնագիրը, հաղորդում է Reuters-ը՝ հղում անելով Հայաստանի նախագահ Վահագն Խաչատուրյանին:

«Եթե գործը միայն մեզ վերաբերվեր, մենք կստորագրեինք այն հենց հիմա, այսօր»,- նշել է նա՝ ելույթ ունենալով Համբուրգի կայուն զարգացման համաժողովի շրջանակում՝ հավելելով, որ հույս կա՝ վաղ թե ուշ հասնել արդյունքի։

ՀՀ նախագահը հայտնել է, որ Ադրբեջանի պաշտոնատար անձանց հետ դեռևս բանակցություններ են ընթանում մի շարք այլ հոդվածների շուրջ: