Իրանցի 39 պատգամավորներ, Հասանալի Էխլաքի Ամիրի գլխավորությամբ, պաշտոնական նամակ են հղել Ազգային անվտանգության բարձրագույն խորհրդին՝ խնդրելով վերանայել ազգային պաշտպանական դոկտրինը  և թույլ տալ միջուկային սպառազինություն մշակել։   Նախաձեռնության մասին Didban Iran-ին հայտնել է դրա հեղինակը։

Հասանալի Էխլաքի Ամիրին նշել է, որ թեպետ Իրանում միջուկային զենքի մշակումն արգելված է, սակայն Իսրայելի սպառնալիքներին դիմակայելու համար անհրաժեշտություն է առաջացել վերանայել արգելքը։

«Այսօր կեղծ ու չար սիոնիստական ռեժիմը  պատասխանատվության չի ենթարկվում։ Ո՛չ որևէ միջազգային կազմակերպություն, ո՛չ ԱՄՆ-ն, ոչ էլ եվրոպական որևէ երկիր չեն կարողանում վերահսկել այդ «կատաղած շանը», ուստի այս հարցը պետք է մաասնագետների կողմից դիտարկվի»,- ասել է պատգամավորը։