Լեռնային Ղարաբաղից բռնի տեղահանվածներն իրենց տրանսպորտային միջոցների համար սեփականության իրավունքի գրանցումը կարող են իրականացնել անխոչընդոտ, պարզեցված և արտոնյալ ընթացակարգով։ Այս մասին որոշումն ընդունվել է ՀՀ կառավարության նիստում։

 

 

Տեղահանման արդյունքում Հայաստանի Հանրապետությունում են հայտնվել մասնավոր սեփականություն չհանդիսացող թեթև մարդատար ավտոմոբիլներ, որոնք դեռևս չեն հանդիսանում սեփականության իրավունքի օրինական օբյեկտ: «Այդ պատճառով անհրաժեշտություն է առաջացել պարզեցված ընթացակարգով լուծել նշված տրանսպորտային միջոցների նկատմամբ սեփականության իրավունքի պետական գրանցման խնդիրը՝ շեշտադրում կատարելով ԼՂ–ից բռնի տեղահանված անձանց իրավունքների պաշտպանության առաջնահերթության վրա»,– ասված է որոշման հիմնավորման մեջ:

 

Սեփականության իրավունքի պետական գրանցման ժամանակ շահառուներից չի պահանջվի գույքահարկի պարտավորությունների ամբողջական կատարման մասին տեղեկանք։