ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող քրեական վարույթի շրջանակներում Երևանի Ջոն Կիրակոսյանի անվան դպրոցի աշխատակիցների մեկի նկատմամբ հանրային քրեական հետապնդում է հարուցվել ՀՀ քրեական օրենսգրքի 201-րդ հոդվածի 3-րդ մասի 1-ին և 3-րդ կետերով։ Այս մասին ֆեյսբուքյան իր էջում գրել է ՀՀ ՔԿ նախագահի մամլո քարտուղար Գոռ Աբրահամյանը։

 

Քննիչի կողմից կայացվել է նշված աշխատակցին ձերբակալելու և վարույթն իրականացնող մարմնին ներկայացնելու վերաբերյալ որոշում, ինչ և իրականացվել է։

 

Այս պահին նշված անձի հետ կատարվում են համապատասխան քննչական գործողություններ։

 

Այլ տեղեկատվություն նախաքննության շահերից ելնելով չի հրապարակվում։

 

Նշենք, որ ՔՕ 201-րդ հոդվածի 3-րդ մասի 1-ին և 2-րդ կետերը սահմանում են․անառակաբարո արարք կատարելը, որը կատարվել է հանցավորին դիմադրություն ցույց տալու կամ իր նկատմամբ կատարվող արարքի բնույթը գիտակցելու հնարավորությունից զրկված կամ հոգեկան առողջության խնդիրներ ունեցող անձի նկատմամբ։