Ստամբուլի նեղուցում նավերի երթևեկությունը ժամանակավորապես դադարեցվել է երկու ուղղություններով՝ բեռնանավի խափանման պատճառով: Այս մասին հայտնել է Թուրքիայի ափապահ ծառայությունը իր սոցիալական ցանցերում:

Իսրայելից Բուլղարիա ուղևորվող 106 մետր երկարությամբ B LINE բեռնանավը մեխանիկական վնասվածքներ է ստացել Աքընթըբուռնու հրվանդանի մոտակայքում: Նավին օգնություն ցուցաբերելու նպատակով անմիջապես ուղարկվել է KURTARMA-5 քարշանավը:

Միջադեպի կապակցությամբ որոշում է կայացվել ժամանակավորապես դադարեցնել բոլոր նավերի երթևեկությունը նեղուցով: