Human Rights Watch-ը և Freedom Now-ն հրապարակել են նոր զեկույց, որտեղ ասվում է, որ Ադրբեջանում ուժեղանում են բռնաճնշումները կառավարության քննադատների և ակտիվիստների նկատմամբ: Human Rights Watch միջազգային իրավապաշտպան կազմակերպությունը հիշեցնում է՝ Ադրբեջանը մարդու իրավունքների ոլորտում զարհուրելի համբավ ունի։

Զեկույցում հիշատակվում է ԱՄՆ օրենսդիրների հայտարարությունը, որով նրանք փաստում էին՝ Ադրբեջանը էթնիկ զտումներ է իրականացրել Լեռնային Ղարաբաղում, որտեղ բնակչության մեծամասնությունը հայեր են․

«Եվ նրանք մատնանշեցին Պետդեպարտամենտի զեկույցը, որը բացահայտեց երկրում մարդու իրավունքների լուրջ խնդիրները, ներառյալ՝ կամայական ձերբակալությունների և ապօրինի կամ կամայական սպանությունների վերաբերյալ վստահելի հաղորդագրությունները»,- նշվում է զեկույցում։