Մեծ Բրիտանիան սառեցրել է Վրաստանի հետ անվտանգության ամենամյա երկխոսությունը, ինչպես նաև պաշտպանական այլ բանակցությունները։

Այս մասին տեղական ԶԼՄ-ներին տված հայտարարության մեջ ասել է Վրաստանում Մեծ Բրիտանիայի դեսպան Գարեթ Ուորդը։

«Ես ակնկալում էի, որ մենք միասին կաշխատենք՝ ամրապնդելու Վրաստանի կայունությունը և ընդհանուր բարգավաճումը, սակայն Վրաստանի կառավարությունն այլ ուղի է ընտրել»,- ասել է դեսպանը։

Դիվանագետը հավելել է, որ Վրաստանի կառավարության գործողությունները մեծացրել են Մեծ Բրիտանիայի անհանգստությունը Վրաստանում «ժողովրդավարության անկման և հակաարևմտյան հռետորաբանության» առնչությամբ։