Հայաստանի ազգային հավաքականի կիսապաշտպան Էդուարդ Սպերցյանը մտադիր է ավարտել 2024/25թթ․ մրցաշրջանը «Կրասնոդարի» կազմում։ Այս մասին հաղորդում է Евро-Футбол-ը՝ հղում անելով իր ներքին աղբյուրներին։

Հաղորդվում է, որ 24-ամյա ֆուտբոլիստի ծառայություններով հետաքրքրված են եվրոպական մի շարք ակումբներ, որոնցից շատերն ակտիվորեն հետևում են հայ ֆուտբոլիստի ելույթներին։

Սպերցյանը, չնայած եվրոպական ակումբների հետաքրքրվածությանը, մտադիր է մնալ «Կրասնոդարում», օգնել թիմին հասնել հաջողության և նվաճել իր առաջին տիտղոսը ռուսական ակումբում։