«Փյունիկ» ֆուտբոլային ակումբն իր մարզաբազայում փակցրել է թիմի նախկին պատանի ֆուտբոլիստների լուսանկարները և նշել, թե նրանց մուտքն այդ տարածք արգելված է։
Ֆեյսբուքյան օգտատեր Հայկազ Մկրտչյանը լուսանկար է հրապարակել և կից գրել․
«Լուսանկարում Փյունիկի արդեն նախկին պատանի ֆուտբոլիստներ են, ովքեր որոշել են իրենց կարիերան շարունակել այլ ակումբներում:
Ինչքան հասկացա, հիմնականում Նոա են գնացել ու տեղափոխության համար Փյունիկը ստացել է մարզումային փոխհատուցում՝ սահմանված կարգով:
Այս պատանիները, ովքեր իդեպ անչափահաս են, Փյունիկում ստացել են ոչ ցանկալի անձի կարգավիճակ: Նրանց մուտքն արգելված է ակումբի մարզաբազա՝ ինչպես տեսնում եք նկարում:
Անկեղծ, չգիտեմ ոնց ա ակումբը գնացել նման քայլի, բայց հուսով եմ, որ էս խայտառակությունը շատ շուտ կվերացվի:
Գիտեմ, որ էս գրառումը կարդալու են նաև մարդիկ, ովքեր էս որոշման հեղինակներն են:
Նման քայլը դեմ ա ցանկացած նորմերի ու պատիվ չի բերում Փյունիկի նման ակումբին»,- նշել է Մկրտչյանը։
-thumbnail.jpg)
-thumbnail.jpg)
-thumbnail.jpg)