Երևանի Ջոն Կիրակոսյանի անվան թիվ 20 դպրոցում իրավիճակը լարված է, աշակերտները դասադուլ են անում։ Բողոքի պատճառը դպրոցում տնօրենի ժամանակավոր պաշտոնակատարի նշանակումն է։ Դպրոցի դիմաց հավաքվել են աշակերտները, որոնք իրենց ձեռքում ունեն տարբեր գրություններով պաստառներ։ Նրանցից մեկի վրա գրված է «ԲԱԲԱՋԱՆՅԱՆ»՝ նախկին տնօրենի աղջկա և դպրոցի տնօրենի՝ իրենց ցանկալի թեկնածուի ազգանունը։

Նշենք նաև, որ օրեր առաջ ԱԱԾ-ն գործողություններ էր իրականացրել Երևանի թիվ 20 դպրոցում։ Գործողություններից քիչ անց հայտնի դարձավ, որ ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող քրեական վարույթի շրջանակներում Երևանի Ջոն Կիրակոսյանի անվան դպրոցի աշխատակիցների մեկի նկատմամբ հանրային քրեական հետապնդում է հարուցվել ՀՀ քրեական օրենսգրքի 201-րդ հոդվածի 3-րդ մասի 1-ին և 3-րդ կետերով։ Նա կալանավորվել է։