Քննչական կոմիտեի նախագահ Արգիշտի Քյարամյանը հանցավորության վիճակի վերաբերյալ խորհրդարանական լսումներում պատասխանել է ԱՆԻՖ-ի («Հայաստանի պետական հետաքրքրությունների ֆոնդ» ) վերաբերյալ պատգամավոր Աննա Գրիգորյանի հարցին։

Պատասխանելով հարցին՝ կա՞ արդյոք հարուցված վարույթ և գործով մեղադրյալ, Քյարամյանը պատասխանեց․ «Այո, կա հարուցված վարույթ, այն քննվում է ՔԿ հատուկ հանձնարարություններով գլխավոր վարչությունում, այն իմ ուղիղ վերահսկողության ներքո է»։

Քյարամյանը նշեց, որ գործը գտնվում է քննության փուլում։ «Գործի հեռանկարի տեսանկյունից ճիշտ չէ ընթացիկ վարույթ քննարկելը»,- ասաց նա և նշեց, որ գործով մեղադրյալ չկա։