Այս տարվա ընթացքում զինվորական ծառայության հետ կապված մահվան 26 դեպք է գրանցվել․ ԱԺ-ում ասաց Աննա Վարդապետյանը։

Գլխավոր դատախազը ԱԺ-ում հայտնեց, որ մահվան դեպքերից 6-ը՝ սպանություն է, 4-ը՝ հակառակորդի կողմից սպանություն է, 4-ը՝ ավտովթարի հետևանքով, 5-ը՝ ինքնասպանություն և ինքնասպանության հասցնելու, թռչող սարքերի կամ թռիչքների նախապատրաստման շահագործման կանոնները խախտելու հետևանքով մահվան 2 դեպք է գրանցվել, մարտական մեքենա վարելու կանոնները խախտելու 1 դեպք է գրանցվել, եղել է դժբախտ պատահարի 1 և հիվանդության 3 դեպք։

Ավելի ուշ ՔԿ ղեկավար Արգիշտի Քյարամյանը հայտարարեց, որ բանակում մահվան դեպքերը բացահայտվում են հաշված օրերի, եթե ոչ ժամերի ընթացքում։ Նրա խոսքով, ոչ մարտական ​​պայմաններում զինվորականների մահվան դեպքերը 100 տոկոս բացահայտման գործակից ունեն։