Առողջապահության նախարար Անահիտ Ավանեսյանը լրագրողների հետ ճեպազրույցում խոսել է «Արթկոսմեդ» ԲԿ-ում օրեր առաջ գրանցված մահվան դեպքին։

Նա նշել է, որ ցավում է պացիենտի մահվան կապակցությամբ և հույս հայտնել, որ քրեական վարույթի ընթացքում կբացահայտվեն նրա մահվան պատճառները։

«Այս պահին տեսչական մարմինն այնտեղ որոշակի ստուգումներ է իրականացնում։ Եթե հայտնաբերվեն լիցենզիոն պայմանների խախտումներ, տեսչական մարմինը կդիմի մեզ, մենք կկասեցնենք կամ կդադարեցնենք լիցենզիան»,-ասել է նախարարը։

Ավանեսյանը նշել է, որ հետևողական են լինելու, որպեսզի բոլոր հանգամանքները պարզվեն, թե ինչի՞ հետևանքով է մահը վրա հասել և արդո՞ք տեղի է ունեցել բժշկանան սխալ։