Հանդիպման ընթացքում քննարկվել է TAIEX գործիքի շրջանակում դատավորների և դատախազների կարիերայի համալիր գնահատման միջոցառումը, որի համատեքստում տեղի են ունեցել քննարկումներ ԵՄ փորձագետների և ՀՀ շահագրգիռ մարմինների ներկայացուցիչների միջև:

 

 

ԵՄ փորձագետներն իրենց երախտագիտությունն են հայտնել տարբեր շահագրգիռ մարմինների հետ կայացած արդյունավետ հանդիպումների համար՝ ընդգծելով իրենց ստացած դրական տպավորությունը և քննարկումների բաց, կառուցողական բնույթը։ Փորձագետները նաև ընդգծել են շահագրգիռ կողմերի բարեփոխումներին ձգտելու հստակ պատրաստակամությունը, ինչպես նաև նախաձեռնություններն առաջ մղելու հավաքական հանձնառությունը:

 

 

Նախարարի տեղակալը բարձր է գնահատել ԵՄ դերը ՀՀ-ում իրավունքի գերակայության ապահովման, մասնավորապես՝ դատաիրավական ոլորտի բարեփոխումների իրականացման գործում՝առանձնահատուկ ընդգծելով ԵՄ պատվիրակության և Արդարադատության նախարարության միջև սերտ համագործակցությունը։

 

 

Կողմերը երկուստեք նշել են շարունակական համագործակցության պահպանման կարևորությունը՝ շեշտելով դրա առանցքային բնույթն ընդհանուր նպատակների և բարեփոխումների իրականացման համատեքստում:

 

 

Պայմանավորվածություն է ձեռք բերվել շարունակել համատեղ աշխատանքներն արդարադատության ոլորտի բարեփոխումների իրականացաման համատեքստում: