Եվրասիական տնտեսական հանձնաժողովի մաքսային համագործակցության հարցերով նախարար Ռուսլան Դավիդովը ընդունել է ՀՀ պետական եկամուտների կոմիտեի պատվիրակությանը` ՀՀ ՊԵԿ նախագահի տեղակալ Աշոտ Մուրադյանի գլխավորությամբ։ Արմենպրես-ի փոխանցմամբ՝ այս մասին հաղորդագրություն է տարածել ԵՏՀ-ն։ 

 

Նշվում է, որ քննարկվել են ազգային «միասնական պատուհանի» աշխատանքը։

 

«Հայ գործընկերներն առցանց ցուցադրեցին ազգային միասնական պատուհանի աշխատանքը՝ ցույց տալով «հաճախորդային ուղին» ապրանքների արտահանման և տարանցման ձևակերպման, թույլատրման փաստաթղթերի ստացման, անհրաժեշտ վճարումների վճարման ժամանակ»,- նշված է հաղորդագրության մեջ։ 

 

Հանդիպմանը մասնակցել են նաև Ռուսաստանի Դաշնությունում գործող արտաքին տնտեսական գործունեության ոլորտում «Մեկ պատուհան» համակարգի ռուսական արտահանման օպերատորի ներկայացուցիչները:

 

Ռուսլան Դավիդովը նշել է, որ հանձնաժողովի առջև ծառացած առանցքային խնդիրներից մեկը ԵԱՏՄ պետությունների կողմից ազգային լիազոր մարմինների կողմից տրվող փաստաթղթերի փոխադարձ օգտագործման ապահովումն է, այդ թվում ՝ այն հնարավորությունների հիման վրա, որոնք տրամադրում են միասնական պատուհանների ծառայությունները: