Հայաստանում ՌԴ դեսպան Սերգեյ Կոպիրկինը կարծում է, որ ՌԴ նախագահ Վլադիմիր Պուտինը և Հայաստանի վարչապետ Նիկոլ Փաշինյանը հնարավորություն կունենան շփվել BRICS ֆորումի շրջանակներում։ Նրա կարծիքով, եթե Երեւանը ցանկանում է երկխոսություն հաստատել կազմակերպության հետ, ապա Մոսկվան նրան կօգնի այս հարցում։

«Կարծում եմ, որ մեր ղեկավարները հաղորդակցության հնարավորություններ կունենան, բայց ինչ ձևաչափով և ինչ օրակարգով, դա կախված կլինի այս միջազգային ֆորումի ծրագրից, որը կլինի շատ ինտենսիվ», - ՌԻԱ Նովոստիին ասել է Կոպիրկինը: Նա այսպես է  պատասխանել այն հարցին, թե արդյո՞ք ռուս-հայկական շփումներ են նախատեսվում Կազանում ԲՐԻԿՍ-ի գագաթնաժողովի շրջանակներում։

Դեսպանը կարծում է, որ Երևանը կարող է «ապավինել Մոսկվայի օգնությանը», եթե որոշի երկխոսություն հաստատել BRICS-ի հետ։ Սակայն նա հիշեց, որ Փաշինյանը նախկինում ասել էր, որ մտադիր չէ անդամակցել կազմակերպությանը։