Եվրամիության անդամ 13 երկրների եվրոպական հարցերով նախարարները հայտարարել են, որ Վրաստանը չի կարողանա ԵՄ անդամ դառնալ, քանի դեռ կառավարությունը չի փոխել իր կուրսը։ Այս մասին ասվում է Վրաստանի խնդրի վերաբերյալ համատեղ հայտարարության մեջ, որը մեջբերում է SOVA-ն։

ԵՄ անդամ 13 երկրների համատեղ հայտարարության մեջ ասվում է, որ Վրաստանը չի կարողանա դառնալ Եվրամիության անդամ, քանի դեռ կառավարությունը չի փոխել իր կուրսը։

«Վրաստանը չի կարողանա դառնալ Եվրամիության անդամ, եթե Վրաստանի կառավարությունը չփոխի իր կուրսը։ Այս հստակ որոշման նույնիսկ ամենաչնչին մեղմացումը կամ տարբեր մեկնաբանությունը կամ սխալ է, կամ պարզապես սուտ»,- ասացին նախարարները։

Երկրները կոչ են արել Վրաստանին ապահովել առաջիկա ընտրությունների ազատ և արդար անցկացումը։

Նրանք ընդգծել են, որ վրաց ժողովուրդը շատ բանի է հասել վերջին տասնամյակների ընթացքում, և 2022 թվականի մարտին ԵՄ-ին անդամակցելու Վրաստանի դիմումը պատմական հանգրվան էր այս ճանապարհին։

«Որպես Վրաստանի բարեկամներ և մեր երկրների եվրոպական հարցերով նախարարներ՝ մենք անհրաժեշտ ենք համարում ևս մեկ անգամ բարձրաձայնել եվրոպական դիրքորոշումը Վրաստանի նկատմամբ՝ շտկելու համար Վրաստանի եվրոպական հեռանկարի սխալ ընկալումները և կանխամտածված խեղաթյուրումները», - ասվում է հայտարարության մեջ։

Փաստաթղթում նշվում է, որ Վրաստանը ԵՄ-ի թեկնածուի կարգավիճակ է ստացել 2023 թվականի դեկտեմբերին՝ Եվրոպական հանձնաժողովի ինը քայլերով։