Ադրբեջանական կողմի հետ ունենք պայմանավորվածություն՝ սահմանազատվող հատվածի այս կամ այն հատվածի վերաբերյալ մեկնաբանություն չտանք, եթե միասին չենք քննարկել և չենք հրապարակել կողմերի դիրքորոշումները։ Այս մասին ԱԺ-ում ասաց փոխվարչապետ Մհեր Գրիգորյանը՝ խոսելով հաջորդիվ սահմանազատման ենթքակա հատվածների վերաբերյալ տրամադրվող տեղեկատվության մասին:

«Պայմանավորվել ենք, որ հանրային խոսքում մամլո հաղորդագրությունները սահմանազատման վերաբերյալ դետալների քննարկումների արդյունքների մասով սահմանափակված լինեն։ Գիտեք՝ ինչ զգայուն գործընթաց է։ Այս իմաստով այսքանով սահմանափակվեմ, բայց այլ ձևաչափով կարող ենք քննարկել»,- ասաց Գրիգորյանը։

Փոխվարչապետի կարծիքով՝ սա զգայուն գործընթաց է նաև ադրբեջանական կողմի համար։