Ես անձամբ չեմ աշխատում, ես աշխատում եմ ի պաշտոնե, և իմ բոլոր գործընկերների հետ մենք շատ կառուցողական և գործընկերային աշխատանք ենք իրականացնում, որովհետև դա բխում է գործի շահից։ Այս մասին այսօր լրագրողների հետ ճեպազրույցում ասաց ՀՀ գլխավոր դատախազ Աննա Վարդապետյանը՝ անդրադառնալով մամուլի հրապարակումներին, թե իր և մյուս իրավապահ կառույցների միջև հարաբերությունները լավ չեն։

«Բոլոր այն ենթադրությունները, որոնք հնչում են մամուլում, ինձ մոտ ժպիտ են առաջացնում, ես կխնդրեմ շատ լուրջ դրանց չվերաբերվել»,-ասաց դատախազը։ Հարցին՝ Սասուն Խաչատրյանի հետ հարաբերությունները լա՞վ են, Վարդապետյանն ասաց․ «Բոլորի հետ, այդ թվում՝ Արգիշտի Քյարամյանի, որովհետև ես շատ բարիդրացիական հարաբերություններ ունեմ իմ գործընկերների հետ»։