Վարչապետը մասնակցել է ԲՐԻԿՍ գագաթնաժողովին և ելույթ է ունեցել «Խաղաղության խաչմերուկ»-ի մասին։ Սա մեր կարևորագույն խնդիրներից է՝ ներկայացնել և առաջ մղել մեր օրակարգը։ Այս մասին ԱԺ-ում խորհրդարանական ճեպարզույցների ընթացքում ասաց ՔՊ-ական պատգամավոր Հռիփսիմե Գրիգորյանը։

Նա նշել է, որ նույն ելույթում վարչապետը խոսել է սահմանազատման կանոնակարգի և Հայաստան-Ադրբեջան խաղաղության գործընթացի մասին

«Նա վերահաստատել է մեր դիրքորոշումը այն մասին, որ խաղաղության պայմանագրի համաձայնեցված հոդվածներով արդեն իսկ կարող ենք ստորագրել պայմանագիրը։

Տեղի է ունեցել զրույց և հանդիպում, կողմերը (Հայաստանը և Ադրբեջանը-խմբ․), այսինքն ՀՀ-ն հայտնել է դիրքորոշում և կողմերը քննարկել են հնարավորինս շուտ պայմանագիրն ավարտին հասցնելու առնչությամբ արվող քայլերը։

ՀՀ-ն հայտարարել է, որ պատրաստ է ստորագրել խաղաղության պայմանագիրը համաձայնեցված հոդվածների շուրջ»,- ասել է պատգամավորը։