ԱՄՆ-ը հավատարիմ է մնում Հարավային Կովկասի խաղաղ ապագան խթանելու գործընթացին։ Այս մասին ասել է Պետդեպարտամենտի խոսնակի տեղակալ Վեդանտ Պատելը՝ անդրադառնալով Վաշինգտոնում ընթացող Ադրբեջան-Հայաստան բանակցություններին։

«Ուղղակի երկխոսությունը առանցքային է երկու պետությունների միջև հնարավոր կայուն խաղաղության հասնելու համար:

Բանակցություններն ընթացքի մեջ են, այս գործընթացում, ինչպես նախկինում, ներգրաված է Հարավային Կովկասում ԱՄՆ Պետդեպարտամենտի բանակցությունների գծով ավագ խորհրդական Լուիս Բոնոն»,- ասել է նա։