Այն աշխատակիցները, ովքեր իրենց աշխատանքը պատշաճ կատարել են և գերակատարել են, ստանում են պարգևավճար։ Այս մասին ԱԺ-ում լրագրողների հետ զրույցում ասաց Ֆինանսների նախարար Վահե Հովհաննիսյանը։

Դիտարկմանը, թե նա Նիկոլ Փաշինյանի գաղտնի որոշմամբ՝ 1,5 մլն դրամ է ստացել և հարցին՝ համարում է, որ ամեն ամիս գերակատարում է աշխատանքը, Հովհաննիսյանը նշեց․ «Ես կարծում եմ՝ այն աշխատանքը, որ ես անում եմ ու այն աշխատավարձը, որ ես ստանում եմ, իրար հետ անհամարժեք են»։

Հարցին՝ ավելի քի՞չ է ստանում, նախարարը պատասխանեց․ «Այո»։