Ուսումնասիրել են կանանց նկատմամբ և ընտանեկան բռնության գործերով քրեական հետապնդման, պաշտպանության և կանխարգելման շվեդական փորձը

Եվրոպայի խորհրդի «Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի շրջանակներում ՀՀ քննչական կոմիտեի նախագահի տեղակալ Արսեն Այվազյանը, ՀՀ ՔԿ Գեղարքունիքի մարզային քննչական վարչության պետ Սարգիս Մարգարյանը և ՀՀ ՔԿ ԵՔՔՎ Մալաթիա-Սեբաստիա վարչական շրջանի քննչական բաժնի պետ Ռոբերտ Վարդանյանը եռօրյա ուսումնա-ճանաչողական այցով գտնվել են Շվեդիայի մայրաքաղաք Ստոկհոլմում։

Հայաստանյան պատվիրակության կազմում են եղել նաև ՀՀ Ներքին գործերի, ՀՀ Աշխատանքի և սոցիալական հարցերի նախարարությունների, ՀՀ դատախազության, ՀՀ մարդու իրավունքների պաշտպանի գրասենյակի, ինչպես նաև՝ հասարակական կազմակերպությունների ներկայացուցիչներ։

Այցի նպատակն էր փորձի փոխանակման շրջանակներում ծանոթանալ Շվեդիայի իրավական համակարգին, կանանց նկատմամբ բռնության և ընտանեկան բռնության կանխարգելման դեմ պայքարի փորձառությանը, մարտահրավերներին և հաջողություններին, նշված ոլորտում միջգերատեսչական համագործակցության մեխանիզմներին:

Պատվիրակությունը հագեցած և արդյունավետ հանդիպումներ է ունեցել Շվեդիայի իրավապահ և այլ իրավասու մարմինների, հասարակական կազմակերպությունների ներկայացուցիչների հետ։

Ի թիվս այլ խնդիրների՝ քննարկվել են կանանց նկատմամբ և ընտանեկան բռնության գործերով քրեական հետապնդման, պաշտպանության և կանխարգելման մեխանիզմները, նշված բնույթի վարույթների քննության ժամանակ քննչական տակտիկաներին, զոհակենտրոն արդյունավետ մոտեցումներին վերաբերող հարցեր։

Պատվիրակությանն ընդունել է նաև Արևելյան գործընկերության ծրագրի դեսպան և Շվեդիայի հատուկ ներկայացուցիչը արտագաղթի մեջ գործող Բելառուսի ժողովրդավարական ուժերում Քրիստինա Յոհաննեսոնը։ Նա ընդգծել է միջազգային համագործակցության կարևորությունը՝ շեշտելով, որ գենդերային հավասարության ապահովումը, գենդերային բռնության դեմ պայքարը Շվեդիայի առաջնահերթություններից են և ուրախ են իրենց փորձառությունը կիսելով աջակցել Հայաստանում անվտանգ միջավայրի ձևավորմանը։

ՀՀ քննչական կոմիտեի նախագահի տեղակալ Արսեն Այվազյանն ընդգծել է այցի կարևորությունը՝ նշելով, որ Շվեդիայի փորձին ծանոթանալը կօգնի մեր ռազմավարական քայլերը դարձնել միջազգային չափանիշներին ավելի համահունչ, ամրապնդել համագործակցությունը շվեդ գործընկերների հետ՝ Հայաստանում հանցագործությունների դեմ պայքարը կատարելագործելու և բռնության զոհերի համար առավել արդյունավետ պաշտպանություն և աջակցություն ապահովելու համար։

Ուսումնասիրել են կանանց նկատմամբ և ընտանեկան բռնության գործերով քրեական հետապնդման, պաշտպանության և կանխարգելման շվեդական փորձը

Վերլուծական

Նամակ Նիկոլ Փաշինյանին 2

Նամակ Նիկոլ Փաշինյանին

Ի՞նչ ազդակ ունի Գագիկ Ծառուկյան-Արամ Ա հեռախոսազրույցը

Որտե՞ղ են Շուշիի, Սղնախի, Հադրութի հայկական գերեզմանատները․ Ազիզ Ալաքբերլիի հիշողության թարմացման համար

«Իյա, Անդրանի՞կ, դու՞ էլ ես հարց տալիս». Անդրանիկ Քոչարյանի պառլամենտարիզմն ու բոնապարտիզմը

Ձևը և բովանդակության իսպառ բացակայությունը

«Հովիկ Աղազարյան» օպերացիան երկրի գլխավոր մանկապարտեզում

Բոլորի մասին․ ո՞վ ինչ հարց լուծեց Ազգային ժողովում և ինչպես

Մնացեք ակտիվ