ՔՊ-ական պատգամավոր Հակոբ Ասլանյանը 2025 թվականի պետբյուջեի նախնական քննարկման ժամանակ շնորհակալություն է հայտնել ԿԳՄՍ նախարար Ժաննա Անդրեասյանին՝ «կրթության ոլորտում ահեռլի աշխատանք կատարելու համար»։

«Ես հստակ եմ ասում, ահռելի աշխատանք է, այսպիսի աշխատանք չեմ տեսել սովետական շրջանում, երբ դասավանդում էի, ոչ էլ հետո։ Հիմա, երբ նայում եմ՝ ինչ հզոր աշխատանք է տարվում գիտության, կրթության բնագավառում, ուրախությունս ինձ տանում է»,- ասաց նա։

Ասլանյանը նշեց՝ նախարարը իր զեկույցում չխոսեց հոգևոր կրթության մասին․ «Չխառնել հոգևորական կրթության հետ։ Հոգևոր կրթություն։ Խոսքս այն մասին է, որ երեխաներին մշակութային կոնտրոններ աբոնեմենտային տարբերակով հաճախումն է։ Պետք է այնքան մեծ աշխատանք տարվի, որ այդ երեխաներին կապենք մշակույթի հետ»։