Ես այսօր այստեղ եկել եմ փող խնդրելու, որովհետև ես ունեմ 320 աշխատող, որոնցից 93-ը երաժիշտներ են, մնացածը տեխնիկական, վարչական աշխատողներ և լրագրողներ։ Նրանք ստանում են շատ ցածր աշխատավարձեր։

Այս մասին ԱԺ-ում լրագրողների հետ զրույցում ասել է Հանրային Ռադիոյի գործադիր տնօրեն Արմեն Քոլոյանը։

«Ասել եմ՝ մինչև տարեվերջ ոչինչ չի փոխվում, եթե գործադիրը, օրենսդիրը բարի գտնվեն և ավելացնեն մեր բյուջեն, ամեն բան լավ կլինի, եթե ոչ, կգնանք կրճատման։ Մենք նույնիսկ մեր գործընկերներից շատերին խնդրել ենք տեղավորվել սենյակներում, որպեսզի ազատենք սենյակները և դրանք տանք վարձով, փողի կարիք ունենք»,- ասաց Քոլոյանը։