Սույն թվականի հոկտեմեբրի 28-ին տեղի է ունեցել Մոսկվայի միջազգային հարաբերությունների պետական ինստիտուտի (МГИМО) ռեկտոր Անատոլի Տորկունովի և «Դիվանագետների համահայկական խորհուրդ» ՀԿ-ի համահիմնադիր, ՀՀ ԱԳ նախկին նախարար Արա Այվազյանի հանդիպումը։ Հանդիպմանը մասնակցել են նաև պատվիրակության կազմում ընդգրկված  ՀՀ ԱԳՆ նախկին փոխնախարար, արտակարգ և լիազոր դեսպան Ավետ Ադոնցը, Քուվեյթում և Հունաստանում ՀՀ նախկին դեսպան, ՀՀ նախագահի աշխատակազմի արարողակարգի ծառայության նախկին ղեկավար Ֆադեյ Չարչօղլյանը։ Հանդիպմանը ներկա են եղել նաև գիտական ​​գծով պրոռեկտոր Ա․ Բայկովը, ռեկտորի խորհրդական Ա. Ռեշետնյակը, ինչպես նաև՝ Միջազգային հետազոտությունների ինստիտուտի տնօրեն Մ. Սուչկովը։

Հանդիպման ընթացքում ռեկտորը ներկայացրել է համալսարանի գիտահետազոտական ​​և կրթական գործունեության առանցքային ոլորտները, այդ թվում՝ նորարարական բնագավառները, մասնավորապես՝ ճանաչողական հետազոտությունների և գործնական արևելագիտության ծրագրի մանրամասները, քննարկվել է մի շարք համատեղ գիտաժողովներ անցկացնելու առաջարկը։