Հայաստանի կառավարությունը Հնդկաստանի, Եգիպտոսի և Իրաքի քաղաքացիների համար Հայաստան մուտքի վիզա ստանալու կարգում փոփոխություն կատարելու որոշմանն է հանգել՝ ուսումնասիրելով միգրացիոն գործընթացները։ 

«Արմենպրես»-ի հետ զրույցում այս մասին ասաց ՀՀ ՆԳՆ Միգրացիայի և քաղաքացիության ծառայության պետ Արմեն Ղազարյանը՝ անդրադառնալով հարցին, թե ինչո՞ւ է կառավարությունը Հնդկաստանի, Եգիպտոսի և Իրաքի քաղաքացիների համար ՀՀ մուտքի վիզա ստանալու ընթացակարգերը խստացնելու որոշում կայացրել։

«Խստացնել բառը մի տեսակ կոշտ է հնչում, որովհետև մենք ընդամենը մեկ փոքր կարգավորում ենք տվել, թե ինչ ճանապարհով այդ երկրների քաղաքացիները կարող են վիզա ձեռք բերել։ Այնպես չէ, որ վիզայի պահանջ չկար, հիմա վիզայի պահանջ է սահմանվել, կամ այնպես չէ, որ վիզայի գներն են շատ բարձրացել, ընդամենը վիզայի ձեռքբերման եղանակներն են փոփոխվել այդ երկրների քաղաքացիների համար։ Այդ որոշմանը մենք հանգել ենք՝ ուսումնասիրելով միգրացիոն գործընթացները, դրանք մանրամասն նշված են կառավարության որոշման հիմնավորման մեջ։ Առկա միգրացիոն հոսքերը մեզ բերել են այն  եզրահանգման, որ այդ փոքր կարգավորումն էական նշանակություն կունենա միգրացիոն հոսքերի կառավարման բարելավման հարցում»,- մանրամասնեց Արմեն Ղազարյանը։ 

Մանրամասները՝ սկզբնաղբյուր կայքում։