Վրաստանի ոստիկանությունն այսօր ձերբակալել է Մարնեուլիի քաղաքային խորհրդի փոխնախագահ Ռովշան Իսքանդերովին՝ հոկտեմբերի 26-ին կայացած խորհրդարանական ընտրությունների ժամանակ քվեատուփի լցոնում իրականացնելու մեղադրանքով։

«Իսքանդերովից բացի նույն մեղադրանքով ևս մեկ անձ է ձերբակալվել», - հաղորդում է Վրաստանի ներքին գործերի նախարարությունը՝ չհրապարակելով, սակայն, երկրորդ կասկածյալի ինքնությունը։

Միջադեպը տեղի էր ունեցել Մարնեուլիի շրջանի Սադախլո գյուղի ընտրատեղամասում։ Լցոնման դեպքից հետո քվեարկությունն այս տեղամասում դադարեցվել էր, արդյունքները չեղարկվել էին։