Մենք կարծում ենք, որ խաղաղությունը մեր տարածաշրջանում այլընտրանք չունի։ Մենք լիարժեք ներգրավված ենք Ադրբեջանի հետ բանակցային գործընթացում և առաջիկայում էլ ներգրավված կմնանք՝ տրամադրված լինելով արդյունքներ գրանցել և ոչ թե բանակցել բանակցելու համար: Այս նպատակին հասնելու համար մենք հույս ունենք, որ Ադրբեջանը կհրաժարվի ուժի և ուժի սպառնալիքի կիրառման քաղաքականությունից։

Այս մասին Չեխիայում ՝ վարչապետի հետ հանդիպումից հետո հրավիրված ասուլիսում ասել է Նիկոլ Փաշինյանը։

Փաշինյանը տեղեկացրել է, որ Չեխիայի իր գործընկերոջը մանրամասն իրազեկել է տարաշածրջանում տիրող իրավիճակի մասին, անդրադարձել են անվտանգային հարցերի։ Բացի այդ, նա կարևորել է Չեխիայի աջակցությունը ԵՄ երկարաժամկետ մոնիտորինգի առաքելություն տեղակայելու որոշմանը։

Խոսելով լարվածության մասին, Փաշինյանն ասել է, որ առկա է լարվածություն, որովհետև Ադրբեջանը խախտում է պայմանավորվածությունները, շարունակում է խոսել ուժի և ուժի սպառնալիքի կիրառման դիրքերից՝ էսկալացնելով իրավիճակը Հայաստանի հետ սահմանին, Լեռնային Ղարաբաղում և Լաչինի միջանցքում», ֊ասաց Նիկոլ Փաշինյանը։