Ռուսաստանի Դաշնության և ԿԺԴՀ ԱԳ նախարարներ Սերգեյ Լավրովը և Չոյ Սոնգ Հուին իրենց ըմբռնումն են հայտնել, որ Կորեական թերակղզում իրավիճակի սրման հիմնական պատճառը ԱՄՆ-ի և նրա դաշնակիցների՝ ՌԴ ԱԳՆ-ի գործողություններն են։

«Միջազգային առանցքային հարցերի շուրջ մտքերի փոխանակության ընթացքում հաստատվել է աշխարհում տիրող իրավիճակի վերաբերյալ երկու կողմերի գնահատականների համընկնումը։

Համընդհանուր ըմբռնում է հայտնվել, որ Կորեական թերակղզում, հյուսիսարևելյան Ասիայում և այլ տարածաշրջաններում իրավիճակի սրման հիմնական պատճառը ԱՄՆ-ի և նրա արբանյակների սադրիչ գործողություններն են։

Ռուսական կողմը լիակատար աջակցություն է հայտնել ԿԺԴՀ-ի կառավարության ղեկավարության կողմից ձեռնարկված միջոցներին՝ ԱՄՆ-ի և նրա դաշնակիցների ագրեսիվ քաղաքականությունը զսպելու և ենթատարածաշրջանում խաղաղություն և կայունություն ապահովելու համար»,- հայտարարել է ՌԴ ԱԳՆ-ն բանակցություններից հետո։