Հայաստանի ֆուտբոլի առաջնության 14-րդ տուրի շրջանակներում կայացավ «Արարատ»-«Փյունիկ» հանդիպումը:

Վազգեն Սարգսյանի անվան Հանրապետական մարզադաշտում կայացած խաղում «Փյունիկ»-ին հաջողվեց առավելության հասնել երկու գնդակի շնորհիվ: Հանդիպման 28-րդ րոպեին «Փյունիկ»-ի ֆուտբոլիստ Օտուբանջոն խփեց իր թիմի առաջին գոլը, իսկ երկրորդ կեսի 82-րդ րոպեին Սերժ Դեբլեն ևս գրավեց մրցակցի դարպասը։ «Արարատ»- «Փյունիկ»` 0:2:

Հանդիպման հենց սկզբում մի քանի երկրպագու ներխուժեցին խաղադաշտ վանկարկելով «հեռացիր-հեռացիր»՝ պահանջելով ՀՖՖ նախագահ Արմեն Մելիքբեկյանի հրաժարականը։