Վաշինգտոնում ավարտվել է Հայաստանի և Ադրբեջանի արտգործնախարարների բանակցությունները։
4 օր տևած բանակցությունների ավարտին հայտարարությամբ է հանդես եկել ԱՄՆ պետքարտուղար Էնթոնի Բլինքենը։
Նա կողմերին շնորհակալություն է հայտնել բանակցությունների համար և նշել, որ եթե համաձայնագիրը ստորագրվի, այն լինելու է պատմական։
Հայ-ադրբեջանական բանակցություններում կողմերը «զգալի առաջընթաց են արձանագրել», - ասել է նա։
«Բանակցությունների տեմպը և կողմերի կառուցած հիմքը ցույց է տալիս, որ մոտենում ենք համաձայնությանը։ Մարաթոնի վերջին մղոնը միշտ ամենադժվարն է, բայց ԱՄՆ-ն այստեղ է` օգնելու մեր ընկերներին, որպեսզի հասնեն վերջնագծին», - ասել է ԱՄՆ պետքարտուղարը։
Հետևեք Hayastan.news-ի տելեգրամյան ալիքին՝ այստեղ