ՔՊ կուսակցությունը և իշխանությունը ինստիտուցիոնալ կառույց է, ոչ թե մեկը տեսնում է՝ «կռվեցիք, դու պատժված ես, դու հրաժարական ես տալիս»։  Այս մասին ԱԺ-ում լրագրողների հետ զրույցում ասաց ԱԺ նախագահ Ալեն Սիմոնյանը։

Հարցին՝ մտահոգություն չունե՞ն ՔԿ նախագահ Արգիշտի Քյարամյանի մասով, Ալեն Սիմոնյանը նախ նշեց․ «Ի՞նչ մտահոգություն», ապա դիտարկմանը, թե՝ «որ ընդդիմադիր դառնա», պատասխանեց․ «Չեմ կարծում, պարոն Քյարամյանը պարկեշտ անձնավորություն է և բազմաթիվ անդամ նա տարբեր պաշտոններ է զբաղեցրել, ապա՝ դուրս է եկել այդ պաշտոններից»։

Դիտարկմանը, թե ՀՀ նախկին գլխավոր դատախազ Արթուր Դավթյանը պաշտոնը թողնելուց հետո մասնակցում էր ընդդիմադիր ցույցերին, Սիմոնյանը արձագանքեց․ «Ես այդպիսի բան չէի անի։ Էլի շատ պաշտոնյաներ կան՝ ոստիկանության, ԱԱԾ աշխատողներ։ Այն բոլոր մարդիկ, ովքեր դուրս են գալիս ՔՊ-ի և Նիկոլ Փաշինյանի դեմ, հանրության կողմից ստանում են իրենց պատասխանը։ Վստահ եմ, որ յուրաքանչյուր մարդ, որ մտածում է՝ կարող է այդպիսի բան անել, թող նայի այդ օրինակներին և ուսումնասիրի»։