ՀՀ վարչապետ Նիկոլ Փաշինյանը որոշում է ստորագրել, համաձարն որի՝ հաստատվել է ՀՀ տարածքում քաղաքացիական օդանավի հետ տեղի ունեցած ավիացիոն պատահարի քննության վերջնական հաշվետվությունը:

«Ղեկավարվելով Հայաստանի Հանրապետության կառավարության 2003 թվականի դեկտեմբերի 11-ի N 1777-Ն որոշմամբ հաստատված հավելվածի 57-րդ կետով՝

1․ Հաստատել Հայաստանի Հանրապետության վարչապետի 2022 թվականի դեկտեմբերի 5-ի N 1449-Ա որոշմամբ նշանակված 2022 թվականի դեկտեմբերի 1-ին Հայաստանի Հանրապետության տարածքում քաղաքացիական օդանավի հետ տեղի ունեցած ավիացիոն պատահարի քննության հանձնաժողովի վերջնական հաշվետվությունը»,- նշված է որոշման մեջ։

2022 թվականի դեկտեմբերի 1-ին ԱԻՆ Ճգնաժամային կառավարման ազգային կենտրոն տեղեկություն էր ստացվել, որ Կոտայքի մարզի Ջրաբեր գյուղի տարածքում B55 տիպի ինքնաթիռն ընկել էր և բռնկվել։ Ինքնաթիռի կործանման հետևանքով մահացել էոն օդաչուները՝ ՌԴ քաղաքացիներ Ա. Պ. (ծնվ․1979 թ․) և Վ. Ռ. (ծնվ. 1983):