Վրաստանի նախագահական ընտրությունները, ենթադրաբար, տեղի կունենան 2025 թվականի հունվարին։ Այս մասին լրագրողներին հայտնել է Վրաստանի վարչապետ Իրակլի Կոբախիձեն։

«Ամեն ինչ ընթանում է խաղաղ, ընտրությունների արդյունքները կամփոփվեն, տասներորդ օրը տեղի կունենա խորհրդարանական հանդիպումը, կսկսվի խորհրդարանական կյանքը, այնուհետև շատ շուտով, ենթադրաբար, հունվարի սկզբին, տեղի կունենան նախագահական ընտրություններ»,- ասել է Կոբախիձեն։

Վրաստանը հանրապետություն է կառավարման խորհրդարանական ձևով, գործադիր իշխանությունն իրականացնում է կառավարությունը՝ վարչապետի գլխավորությամբ։

Պետության ղեկավարը նախագահն է, որին կընտրի 300 հոգանոց ընտրական կոլեգիան։