Ֆուտբոլի Հայաստանի ազգային հավաքականի երկրպագուների Red Eagles և FAF շարժումները Ազգերի լիգայի 5-րդ տուրի Հայաստան - Ֆարերյան կղզիներ հանդիպումից առաջ անցկացնում են միասնական երթ՝ ազգային հավաքականի աջակցության և ՀՖՖ-ի ղեկավարության հրաժարականի պահանջով։

Այն մեկնարկել է Սախարովի հրապարակում, որը կավարտվի Վազգեն Սարգսյանի անվան «Հանրապետական» ստադիոնում:

Երկրպագուները վանկարկում են՝ «հրաժարականն անխուսափելի է», «հեռացի՛ր»։

Հայաստան - Ֆարերյան կղզիներ հանդիպումը տեղի կունենա նոյեմբերի 14-ին եւ կմեկնարկի 21:00-ին։