Այն, ինչ մենք խոսում ենք, մեր մասին ենք խոսում, սա ինքնաճանաչման գործընթաց է։ Ձեզ թվում է՝ մենք դպրոցական չենք եղե՞լ, Անկախության հռչակագրով չենք հպարտացե՞լ, չենք կարդացել դաշնակցականների գրքեր և չենք լծվել անհագ ծարավով՝ դառնալ արյան զինվորներ, ձեզ թվում է՝ մենք չենք ունեցե՞լ ցանկություն Ստամբուլը արյած ծով սարքելու։ Այս մասին ԱԺ-ում ելույթ ունենալիս, դիմելով ընդդիմադիր պատգամավորներին, ասաց ԱԺ փոխխոսնակ Հակոբ Արշակյանը։

Նա նշեց՝ եթե նրանց այդպես է թվում, նշանակում է զուգահեռ իրականությունում, լուսնի վրա մի տեղ են ապրում։

«Հարցը նրանում է՝ մենք ի վերջո կգնա՞նք ինքնահայեցմանը, թե մեր պետության և պետականության հավիտենականությունը ինչում է կայանում՝ վրեժխնդրության ծարավի, թե արժեք ու բարիք ստեղծելու, պետությունը համաշխարհային այլ պետությունների շրջանում կամուրջ ու գործընկեր դարձնելու մեջ»,- ասաց Արշակյանը։