ԱՄՆ նախագահ Ջո Բայդենը պնդել է, որ իր որդին՝ Հանթեր Բայդենը, ոչ մի վատ բան չի արել։ Այս մասին ԱՄՆ նախագահը հայտարարել է «NBC» հեռուստաալիքին տված հարցազրույցում անդրադառնալով որդուն առնչվող սկանդալին։

Լրագրողը հարցրել է Բայդենին, թե ինչ ազդեցություն կունենա նրա նախագահության վրա, եթե նրա որդուն մեղադրանք առաջադրվի:

«Նախ՝ իմ տղան ոչ մի վատ բան չի արել։ Ես վստահում եմ նրան, հավատում եմ նրան»,- ասել է Բայդենը՝ ի պատասխան լրագրողի հարցին։

ԱՄՆ դաշնային դատախազությունը քննարկում է Ջո Բայդենի որդուն հարկերից խուսափելու և հրազենի կանոնների խախտման մեղադրանք առաջադրելու հարցը։ Ինքը՝ Հանթեր Բայդենը, հերքում է հանցագործությունը։