Հայաստանի ֆուտբոլի ազգային թիմի հարձակվող Էդուարդ Սպերցյանն ընդգրկվել է ազգային թիմի բոլոր ժամանակների լավագույն ռմբարկուների շարքում: 

«Արմենպրես»-ի հաղորդմամբ` Էդուարդ Սպերցյանը, Ազգերի լիգայի խաղարկության վերջին տուրում գրավելով Լատվիայի հավաքականի դարպասը,  Հայաստանի ազգային հավաքականում 6-րդ գոլը խփեց և ընդգրկվեց ընտրանու պատմության լավագույն ռմբարկուների տասնյակում: 

Գոլերից 2-ը նա խփել է Լատվիայի հավաքականին՝ դառնալով լատվիացիների հետ դիմակայությունում Հայաստանի հավաքականի լավագույն ռմբարկուն: 

Լատվիայի դեմ խաղում ազգային թիմի կազմում իր գոլերի հաշիվը բացեց Արթուր Միրանյանը: 

Հայաստանի ֆուտբոլի ազգային թիմի բոլոր ժամանակների լավագույն ռմբարկուն Հենրիխ Մխիթարյանն է` 31 գոլով: